СОЧЫ, 16 кас — Sputnik. Беларусь на Сусветным фестывалі моладзі і студэнтаў (СФМС) у Сочы прапануе цацкі зуброў, айчынную гарбату і брашуры з інфармацыяй аб ВНУ краіны, перадае карэспандэнт Sputnik.
СФМС сабраў у гэтыя дні ў "паўднёвай сталіцы" Расіі больш за дваццаць тысяч удзельнікаў з палутара соцен краінаў свету, у тым ліку і дэлегацыю з 300 гасцей з Беларусі.
Стэнд Беларусі прадстаўлены на пляцоўцы Галоўнага медыяцэнтра фестывалю і займае досыць вялікую плошчу: тут гасцям прапануюць адразу некалькі актыўнасцяў. Удзельнікам форуму прапануюць прышыць стужачку да цацачнага зубра і забраць яго на памяць.
Акрамя таго, усе жадаючыя могуць сфатаграфавацца з дзяўчатамі ў беларускіх нацыянальных строях і атрымаць стужачкі з беларускім арнаментам. Замежныя госці з задавальненнем фатаграфуюцца з дзяўчатамі, а самі працаўніцы стэнда прызнаюць: людзей да іх прыходзіць вельмі шмат.
Таксама на стэндзе прадстаўлена інфармацыя аб беларускіх ВНУ, ёсць магчымасць прадэгуставаць беларускія прысмакі і купіць гарбату з траў.
Працягнецца Сусветны фестываль моладзі і студэнтаў у Сочы да 22 кастрычніка. Ужо ў панядзелак беларускія ўдзельнікі форуму ў асобе БРСМ падпішуць пагадненне аб супрацоўніцтве з Расійскім саюзам моладзі.
