МІНСК, 16 кас — Sputnik. Хакейны клуб "Дынама-Мінск" пацярпеў паражэнне ў хатнім матчы рэгулярнага чэмпіянату Кантынентальнай хакейнай лігі (КХЛ), на гэты раз ад клуба з Сочы.
У нядзелю, 15 кастрычніка, адбыўся чарговы хатні матч "зуброў" — каманда прымала гасцей з Сочы. Гульня завяршылася паразай гаспадароў лёду з лікам 1:3 (0:0, 1:2, 0:1). Перамогу "Сочы" прынеслі дакладныя кідкі Кейсі Уэлмана (24), Івана Ларычава (26) і Юркі Йокипака (59). У "зуброў" на лёдзе вызначыўся Джэк Скілле на 29-ай хвіліне.
Хороший матч, в котором мы должны были забрасывать больше… pic.twitter.com/olEmXB2pgi
— ХК Динамо-Минск (@hc_dinamominsk) 15 октября 2017 г.
Пасля 22 гульняў на лёдзе падапечныя Гордзі Дуайера з 28 ачкамі займаюць 9-ае месца ў табліцы Заходняй канферэнцыі.
Завяршальны матч хатняй серыі "зубры" правядуць 17 кастрычніка супраць ніжагародскіх "тарпедаўцаў".
