Факсімільны збор спадчыны Скарыны перададзены ў бібліятэкі Францыі

© Photo : БелгазпромбанкАсобнік "Малай падарожнай кніжыцы" Францыска Скарыны
Асобнік Малай падарожнай кніжыцы Францыска Скарыны - Sputnik Беларусь
Падпісацца на
НовостиTelegram
У дар французскай бібліятэцы было перададзена поўнае факсімільнае выданне ў 20 кнігах друкаванай спадчыны Францыска Скарыны.

МІНСК, 17 кас — Sputnik. Поўны факсімільны збор спадчыны беларускага першадрукара Францыска Скарыны перададзены ў бібліятэкі Францыі.

Перадаў выданні дырэктар Нацыянальнай бібліятэкі Беларусі Раман Матульскі падчас візіту ў Парыж 16 кастрычніка.

Раман Матульскі сустрэўся з генеральным дырэктарам Нацыянальнай бібліятэкі Францыі імя Франсуа Мітэрана Сільвіан Тарса-Гійры.

праектар, архіўнае фота - Sputnik Беларусь
У межах Тыдняў Германіі ў Мінску пакажуць бібліі Гутэнберга і Скарыны

Дырэктар Нацыянальнай бібліятэкі Беларусі распавёў пра творчасць Скарыны, а таксама аб праведзенай рабоце па падрыхтоўцы і выданню збору яго кніг.

Акрамя таго, бакі дамовіліся аб аказанні садзейнічання з французскага боку па стварэнні лічбавай бібліятэкі ў Беларусі.

У гэты ж дзень адбылася сустрэча Рамана Матульскага з дырэктарам бібліятэкі Нацыянальнай асамблеі Францыі Патрыкам Мантамбалам. Фонды бібліятэкі парламента Францыі таксама папоўніліся факсімільнымі выданнямі беларускага першадрукара.

Удзельнікі сустрэчы абмеркавалі магчымасці развіцця двухбаковага супрацоўніцтва, у прыватнасці выкарыстанне беларускага вопыту выдання факсімільных копій рэдкіх кніг. 

Стужка навiн
0