МІНСК, 17 кас — Sputnik. Мінскі міжнародны кінафестываль "Лістапад" пакажа 13 кінафільмаў, якія ўключаны ў лонг-ліст галоўнай кінапрэміі ЗША "Оскар", паведаміў у час прэс-канферэнцыі дырэктар праграм ігравога кіно Ігар Сукманаў.
У спісе кінаработ і прызёры Канскага і Берлінскага кінафестываляў.
Арганізатары адзначылі, што ў гэтым годзе гледачоў чакае шмат сюрпрызаў. Так, упершыню ў конкурсе ігравога кіно возьме ўдзел каманда з Албаніі.
У конкурсе нацыянальных кінашколаў праявяць сябе рэкордная колькасць удзельнікаў — 13. Хоць раней колькасць канкурсантаў складала 5-6.
Продаж квіткоў павінен пачацца не пазней за 30 кастрычніка, паведамілі падчас прэс-канферэнцыі. Упершыню ў гэтым годзе ўведзена паслуга куплі абанементаў, пры якой зніжка на квіткі складае 30%.
Плануецца, што самыя дарагія квіткі будуць на адкрыццё і закрыццё фестывалю — 12 рублёў. На астатнія кінасеансы кошт квітка складзе ад 1,3 да 5 рублёў.
У гэтым годзе дадалася новая пляцоўка для дэманстрацыі работ канкурсантаў — Falcon Club Буцік Кіно. Па-ранейшаму карціны будуць паказваць у кінатэатрах "Цэнтральны", "Мір", "Піянер", "Беларусь".
У гэтым годзе ў фестывалі прымуць удзел 164 карціны, з іх конкурсныя — 94.
Падчас адкрыцця кінафоруму ў кінатэатры "Масква" будзе паказаны фільм "Арытмія" (Расія), а падчас закрыцця — "Восеньскі самурай" (Сербія).
Усяго ў фестывалі прымуць удзел працы з 55 краін свету.
