МІНСК, 18 кас — Sputnik. Акцёры Нацыянальнага акадэмічнага тэатра імя Янкі Купалы адправяцца на гастролі ў Кітай са спектаклем "Чайка".
У спектаклі занятыя Віктар Манаеў, Зоя Белахвосцік, Валянціна Гарцуева, Павел Харланчук-Южакоў, Аляксандр Казэла, Ігар Сігаў, Алена Сідарава, Ігар Дзянісаў і іншыя.
Нацыянальны акадэмічны тэатр імя Янкі Купалы з 2016 года з'яўляецца ганаровым сябрам Міжнароднай лігі тэатраў "Шаўковы шлях", заснаванай кіраўніцтвам КНР для пашырэння творчых кантактаў паміж краінамі — удзельніцамі Вялікага і Новага шаўковага шляху. Сёння арганізацыя налічвае больш за 80 удзельнікаў з 30 краін свету.
Гастролі спектакля "Чайка" стануць першым мерапрыемствам беларуска-кітайскага супрацоўніцтва па праграме Міжнароднай дзейнасці лігі.
Купалаўскі тэатр гастраляваў раней у Кітаі ў 2014 годзе, дзе прымаў удзел у Вясновым фестывалі Народнага мастацкага тэатра Пекіна з паказамі спектакляў "Вяселле" і "Не мой".
