Форум народных рамёстваў пройдзе ў Віцебску

© Sputnik / Юлія Хвошч"Наш Грунвальд-2017"
Наш Грунвальд-2017 - Sputnik Беларусь
Падпісацца на
НовостиTelegram
На адной пляцоўцы збяруцца прадстаўнікі творчых моладзевых арганізацый і рухаў, цэнтраў рамёстваў, прадпрыемстваў лёгкай прамысловасці, творчых калектываў.

МІНСК, 19 кас — Sputnik. Форум сучасных і народных рамёстваў "Горад адкрыты творчасці" правядуць у віцебскім ГЦ "Greenцэнтр" 21-22 кастрычніка.

Праграма ўключае ўрачыстае адкрыццё з сюрпрызамі, майстар-класы з народнымі майстрамі і рамеснікамі, навучэнцамі і студэнтамі. Яны пакажуць, як тварыць чараўніцтва сваімі рукамі ў розных тэхніках: саломапляценні, вышыўцы, вязанні, ганчарным мастацтве, разьбе па дрэве.

Паказальныя выступленні шатландскіх горцаў - Sputnik Беларусь
Старажытнае кельцкае свята "Самайн" адзначаць у Мінску

Творчыя калектывы пацешаць наведвальнікаў песнямі, танцамі і моднымі інсталяцыямі.

Плануецца фотазона з правядзеннем конкурсу на самае папулярнае фота ў сацсетках. Пройдзе выстава-кірмаш "Грані таленту" вырабаў народнай творчасці, вырабаў лёгкай прамысловасці, handmade-работ навучэнцаў Віцебска. І асобна будзе арганізаваны продаж вырабаў народнай творчасці і сувеніраў ад майстроў.

"Форум накіраваны на ўцягванне моладзі ў рамесніцкую дзейнасць, закліканы развіваць і папулярызаваць лепшыя традыцыі і дасягненні нацыянальнай культуры і мастацтва", — адзначылі арганізатары. 

Стужка навiн
0