МІНСК, 30 кас — Sputnik. Мінскае "Дынама" завяршыла перамогай выязную серыю з чатырох матчаў у чэмпіянаце КХЛ, беларусы вырвалі перамогу ў авертайме.
Паядынак адбыўся ў сталіцы Латвіі. Першы перыяд прайшоў без закінутых шайбаў. У другім лік адкрылі мінчане, аднак рыжскія аднаклубнікі хутка яго зраўнялі. Трэці перыяд не вызначыў мацнейшага.
Наслаждаемся шестой в сезоне шайбой Джастина Фонтэйна, которая к тому же оказалась победной! #намроднаякоманда pic.twitter.com/tf3hRGB21R
— ХК Динамо-Минск (@hc_dinamominsk) 29 октября 2017 г.
У дададзены час мінскае "Дынама" закінула вырашальную шайбу. Ужо праз 20 секунд пасля ўкідвання дакладны кідок у вароты сапернікаў здзейсніў Джасцін Фантэйн.
Выязная серыя матчаў мінскага "Дынама" завяршылася. Ужо 31 кастрычніка "зубры" будуць змагацца з маскоўскім "Спартаком" на хатняй пляцоўцы. Пачатак гульні ў 19:30.
Раней на выездзе сталічны клуб прайграў "Віцязю" (0:4), затым — маскоўскаму ЦСКА (1:4), а пасля — фінскаму "Ёкерыту" (2:0).
