МІНСК, 31 кас — Sputnik. Усталяваны памер грашовага ўзнагароджання для беларускіх спартсменаў, якія заваююць узнагароды на Алімпійскіх гульнях 2018 года, паведамляе Sputnik. Зімовыя Гульні пройдуць у Пхенчхане (Паўднёвая Карэя) з 9 па 25 лютага. Падчас спаборніцтваў будуць разыграныя 102 камплекты ўзнагарод у 13 відах спорту.
"Распараджэннем прэзідэнта зацверджаны парадак лічбаў па аналогіі з Алімпійскімі гульнямі ў Рыа-дэ-Жанейра: за залаты медаль — 150 тысяч долараў, за срэбра — 75 тысяч, за бронзу — 50 тысяч", — сказаў на прэс-канферэнцыі ў Мінску намеснік міністра спорту і турызму Рэспублікі Беларусь, шэф місіі беларускай каманды на XX зімовых Алімпійскіх гульнях у Пхенчхане Аляксандр Барауля.
Ён дадаў, што сума прызавых таксама ўстаноўлена і для паралімпійцаў: 50 тысяч (золата), 30 тысяч (срэбра) і 20 тысяч (бронза).
"У нас гэтыя лічбы не выклікаюць ніякіх прэтэнзій", — падкрэсліў Барауля.
Нагадаем, за медалі Гульняў-2014 у Сочы прадстаўнікі Беларусі за золата атрымлівалі 110 тысяч еўра, за срэбра — 55 тысяч, за бронзу — 37 тысяч.
