МІНСК, 1 ліс — Sputnik. "Белавія" да летняга сезона 2018 года мае намер адкрыць рэйс Мінск — Анапа, паведаміў генеральны дырэктар авіякампаніі Анатоль Гусараў на прэс-канферэнцыі ў сераду ў Мінску.
"У нас ужо практычна прынята рашэнне аб адкрыцці рэйса на летні перыяд у Анапу", — сказаў Гусараў.
Распавядаючы аб новых рэйсах, якія могуць быць адкрыты ў бліжэйшы час, ён таксама адзначыў, што кампанія зацікаўленая ў тым, каб у будучым годзе адкрыць рэйс з Мінска ў Казань. Па яго словах, Казань — адзін з расійскіх гарадоў, дзе пройдзе чэмпіянат свету па футболе.
"Калі не паляціць расійская авіякампанія, то мы самі паляцім", — сказаў Гусараў. Пры гэтым ён адзначыў, што таксама ў сувязі з ЧС "Белавія" зацікаўлена здзяйсняць рэйсы ў Растоў.
Паводле яго слоў, плануецца адкрыць рэйс у Новасібірск. Гендырэктар авіякампаніі таксама паведаміў аб планах праводзіць палітыку зніжэння кошт квіткоў, адзначыўшы, што на працягу 2017 года яна знізілася на 12%.
У сваю чаргу генеральны дырэктар РУП "Нацыянальны аэрапорт Мінск" Дзмітрый Мелікян распавёў аб новых рэйсах, якія прапануюць замежныя авіякампаніі.
Па яго словах, у цяперашні час ідуць перамовы з "ЮВТ Аэра" (Татарстан) аб арганізацыі палётаў Казань — Мінск — Казань, плануецца таксама авіярэйс Талін — Мінск — Талін.
Таксама ідуць перамовы з авіякампаніямі "Саратаўскія лініі" і "Нордавія".
