МІНСК, 1 ліс — Sputnik. Халаднаватае надвор'е захаваецца ў Беларусі ў сераду 1 лістапада, месцамі па краіне ўдзень пройдзе мокры снег, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Два дні краіна знаходзілася пад уплывам урагану "Герварт", ён прынёс у рэспубліку дажджы і моцны вецер, парывы якога дасягалі хуткасці 24 м/с.
Бррррр! Температура воздуха —1.1°C в 6 утра было в Минскасе
— Блізкі космас (@nadvorie) 1 ноября 2017 г.
"У сераду будзе воблачна, па ўсходзе Беларусі — з праясненнямі. На большай частцы тэрыторыі краіны пройдуць дождж і мокры снег", — сказалі ў Гідрамеце.
Паводле інфармацыі сіноптыкаў, максімальная тэмпература паветра ўдзень у Беларусі складзе ад +1 да +7°С, у Гродзенскай і Брэсцкай абласцях — да +9°С.
У Мінску ў сераду чакаецца дождж, а ў першай палове дня — мокры снег, удзень тэмпература паднімецца да +5°С.
