МІНСК, 3 ліс — Sputnik. Істотных ападкаў па Беларусі ў пятніцу 3 лістапада не чакаецца, кароткачасовыя дажджы пройдуць толькі ў асобных раёнах краіны, паведамілі Sputnik у Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.
Раней сіноптыкі праінфармавалі, што да "вялікіх" выхадных умовы надвор'я ў краіне крыху палепшацца — дажджы спыняцца і трохі пацяплее.
"У пятніцу будзе пераважаць воблачнае надвор'е, у асобных раёнах пройдуць невялікія дажджы, месцамі туман", — сказалі ў Гідрамеце.
Там таксама паведамілі, што максімальная тэмпература паветра днём у пятніцу складзе ад +4 да +10°С. У Мінску, паводле інфармацыі Гідрамета, будзе без дажджу, а паветра ў сярэдзіне дня прагрэецца да +7..+9°С.
