МІНСК, 4 ліс — Sputnik. Расійскі рэпер Дзмітрый Хінтэр (Schokk) не змог атрымаць у Беларусі гастрольнае пасведчанне, паведаміў рэсурс The Flow.
"Мінск, мне не даюць выступаць у вас. Слава Савецкай Сацыялістычнай рэспубліцы", — напісаў выканаўца ў сваім акаўнце ў Twitter.
МИНСК — мне не дают выступать у вас. СЛАВА СОВЕТСКОЙ СОЦИАЛИСТИЧЕСКОЙ РЕСПУБЛИКЕ!
— SCHOKK (@dfbamberg) 2 ноября 2017 г.
Як паведамляе The Flow са спасылкай на арганізатараў канцэрту, беларускія ідэолагі спаслаліся на тое, што творчасць выканаўцы не адпавядае прыкметам культурнай каштоўнасці.
Канцэрт Хінтэра павінен быў адбыцца ў беларускай сталіцы 14 лістапада бягучага года.
У канцы кастрычніка па рашэнні Генеральнай пракуратуры Беларусі быў адменены канцэрт яшчэ аднаго расійскага рэпера — Івана Дроміна (Face). Пракуратура адзначыла, што тэксты песень Face "маюць шмат ненарматыўнай лексікі, у іх прасочваецца адкрытае грэбаванне маральнымі і культурнымі каштоўнасцямі, прынятымі ў сучасным цывілізаваным грамадстве".
