МІНСК, 8 ліс — Sputnik. Стваральнікі сеткі мікраблогаў Twitter прынялі рашэнне павялічыць даўжыню твітаў да 280 знакаў, гаворыцца ў афіцыйным блозе кампаніі.
Дадзенае новаўвядзенне было рэалізавана пасля атрымання вынікаў вераснёўскага тэставання павялічанай даўжыні паведамленняў.
"Мы ўбачылі, што, калі людзям дазволілі выкарыстоўваць больш за 140 сімвалаў, яны сталі пісаць прасцей і часцей. Але, што важна, людзей, чые твіты ўтрымліваюць менш 140 знакаў, усё-такі больш, і сцісласць у Twitter захавалася", — падкрэслілі стваральнікі сэрвіса.
Аднак для некаторых моў, такіх як кітайская, японская і карэйская, ліміт у 140 сімвалаў захаваецца, паколькі яны, па словах распрацоўшчыкаў, дазваляюць выказаць думку меншай колькасцю знакаў.
Twitter быў створаны ў 2006 годзе, на дадзены момант колькасць яго актыўных карыстальнікаў складае каля 320 мільёнаў. Дадзеная сетка мікраблогаў з'яўляецца адным з найбольш наведвальных рэсурсаў у інтэрнэце.
