МІНСК, 12 ліс — Sputnik. Вывяржэнне вулкана на Марсе можа адбыцца ў бліжэйшы мільён гадоў, паведамляе выданне News ToDay Ufa.
Навукоўцы-астраномы лічаць, што слабая тэктоніка пліт на чацвёртай ад Сонца планеце ўсё ж ёсць, што сведчыць аб магчымых вывяржэннях вулканаў. Па мерках геалогіі, мільён гадоў — не такі вялікі час.
Амерыканскія спецыялісты выявілі прыкметы марсатрусу і апоўзняў у даліне Марынер, якія адбываюцца рэгулярна.
Планета Марс з'яўляецца чацвёртай па аддаленасці ад Сонца і сёмай па памерах у Сонечнай сістэме. Раней заснавальнік кампаній Tesla і Space X Элан Маск зняў прэзентацыйны ролік і расказаў, як збіраецца каланізаваць Марс.
Таксама спецыялісты NASA візуалізавалі выпрабаванні карабля Orion для палётаў на Месяц і Марс.
