Небяспека камп'ютараў, ноўтбукаў і іншых гаджэтаў для зроку і паставы вядомая ўсім, але значна большая шкода наносіцца цэнтральнай нервовай сістэме дзіцяці, распавёў загадчык прыёмнага аддзялення 3-й дзіцячай бальніцы Мінска, педыятр Дзмітрый Часноў у гутарцы на радыё Sputnik Беларусь.
Інфармацыйная перагрузка цэнтральнай нервовай сістэмы часта заканчваецца тым, што дзіця губляе прытомнасць, адзначыў спецыяліст. Але ў той жа час пра зрок і паставу таксама забываць не варта. У прыватнасці, бацькам варта клапаціцца пра тое, у якіх умовах дзіця дома робіць урокі, і падабраць правільную мэблю з улікам яго росту і ўзросту.
"Ёсць пэўныя рэкамендацыі лекараў санітарнага звяна, на якой адлегласці павінен знаходзіцца экран камп'ютара, як локці павінны ляжаць у адносінах да пасадкі дзіцяці. І важна памятаць, калі дзіця 30 хвілін пазаймалася, яму адразу трэба змяніць дзейнасць, пераключыць яго. Самае карыснае ў гэтай сітуацыі — гэта пераключыць дзіця на фізічную нагрузку і зрабіць гэта праз гульню", — сказаў Часноў.
Паводле слоў спецыяліста, нават дарослы чалавек не можа на працягу гадзіны сядзець за камп'ютарам у адной і той жа позе, у працы неабходны перапынак кожныя 40-50 хвілін. Суразмоўца Sputnik у такіх сітуацыях раіць перапыніцца хаця б на 5 хвілін, устаць, размяцца, зрабіць лёгкую гімнастыку ці проста прайсціся.
Фрагмент гутаркі з вядомым мінскім педыятрам Дзмітрыем Часновым слухайце на радыё Sputnik Беларусь.
