"Абменнікі" крыптавалюты могуць з'явіцца ў Беларусі

© REUTERS / Dado Ruvic/IllustrationБіткоіны і долары
Біткоіны і долары - Sputnik Беларусь
Падпісацца
Цяпер як банкі, так і "айцішнікі" чакаюць падпісання прэзідэнтам новага "Дэкрэта аб ПВТ".

МІНСК, 20 ліс — Sputnik. Сістэма абмену крыптавалюты на рэальныя грошы можа з'явіцца ў Беларусі пасля падпісання кіраўніком дзяржавы новага дэкрэта "Аб ПВТ", паведаміў у прэс-цэнтры Sputnik у панядзелак дырэктар дэпартамента электронных каналаў суправаджэння і продажаў Прыёрбанка Сяргей Лазюк.

Біткоін - Sputnik Беларусь
Прэзентацыю беларускай крыптавалюты перанеслі з-за дэкрэта аб ПВТ

З гэтага лета беларускія бізнесмены, стартаперы і праграмісты чакаюць падпісання прэзідэнтам Аляксандрам Лукашэнкам "дэкрэта аб ПВТ". Мяркуецца, што дакумент увядзе крыптавалюту ў прававое поле.

Да гэтага часу дакумент не прыняты кіраўніком дзяржавы, аднак удзельнікі рынка дасведчаныя аб асноўных палажэннях дэкрэта, які распрацоўшчыкі накіравалі прэзідэнту.

"Чакаецца, што ў Беларусі будзе дзейнічаць сістэма абмену краптавалюты на рэальныя грошы. Па сутнасці, такія абменныя пункты будуць легалізаваныя", — прывёў прыклад Лазюк і адзначыў, што рэспубліка ў такім выпадку будзе адной з перадавых краін свету з пункту гледжання развіцця крыптавалюты.

Па словах эксперта, падобнае рашэнне было б пасылам рынку і сведчыла б аб неабходнасці пашырэння падобных транзакцый у Беларусі.

"Неабходна максімальная легалізацыя (крыптавалюты — Sputnik). Існуючыя законы не забараняюць такую дзейнасць напрамую. Але трэба перапрацаваць заканадаўства, каб яно абараняла ўсіх удзельнікаў", — дадаў гендырэктар групы кампаній BelHard Ігар Мамоненка.

Стужка навiн
0