МІНСК, 28 ліс — Sputnik. Больш за 250 спецыялістаў у галіне захавання і прасоўвання рускай мовы за мяжой прымаюць удзел у міжнароднай канферэнцыі ў Мінску, заявіў на цырымоніі адкрыцця мерапрыемства намеснік кіраўніка дэпартамента знешнеэканамічных і міжнародных сувязяў Масквы Ігар Ткач.
У Мінску 28 — 29 лістапада праходзіць сёмая міжнародная канферэнцыя на тэму "Захаванне, падтрымка і прасоўванне рускай культуры і мовы за мяжой".
Падчас адкрыцця гэтай канферэнцыі дарадца амбасады Расіі ў Мінску Маргарыта Навадворская адзначыла, што ўрад Масквы вельмі шмат робіць для таго, каб папулярызаваць рускую культуру, мову і літаратуру як у Беларусі, так і ў іншых краінах свету.
Яна зачытала прывітанне пасла РФ у Мінску Аляксандра Сурыкава да ўдзельнікаў канферэнцыі, у якім гаворыцца, што гэты маштабны форум, які праводзіцца ў Мінску ў 4-ы раз, сабраў навукоўцаў, гісторыкаў, лінгвістаў з 30 краін свету. "Гэта навукоўцы, якім важныя рускі свет і руская мова", — гаворыцца ў прывітанні амбасадара.
Кіраўнік расійскай дыпмісіі ў Беларусі таксама адзначыў ролю суайчыннікаў, якія прасоўваюць рускую мову і рускую літаратуру за мяжой.
Сурыкаў падкрэсліў, што ў Беларусі, дзе беларуская мова з'яўляецца адной з дзвюх дзяржаўных, створана "сур'ёзная школа выкладання і вывучэння рускай мовы".
Як паведамілі арганізатары мерапрыемства, у Мінску на працягу двух дзён у рамках міжнароднай канферэнцыі будуць праходзіць пленарныя пасяджэнні розных секцый, на якіх будзе абмяркоўвацца падтрымка рускай мовы за мяжой.
