МІНСК, 29 ліс — Sputnik. Штармавое папярэджанне з-за моцнага ветру абвешчана на пятніцу 1 снежня, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Паводле інфармацыі сіноптыкаў, у бліжэйшыя дні ў Беларусі чакаецца дажджлівае надвор'е, пройдуць моцныя ападкі — у асноўным мокры снег.
"У пятніцу 1 снежня ў начныя і ранішнія гадзіны на большай частцы тэрыторыі рэспублікі чакаецца ўзмацненне ветру", — сказалі ў Гідрамеце.
Там таксама ўдакладнілі, што яго парывы будуць дасягаць хуткасці 15-20 метраў у секунду. У сувязі з гэтым у краіне аб'яўлены перадапошні — аранжавы — узровень небяспекі.
Аранжавы ўзровень небяспекі аб'яўляецца ў выпадку, калі ўмовы надвор'я могуць прадстаўляць рэальную небяспеку, негатыўна ўплываць на сацыяльна-эканамічную дзейнасць і прыводзіць да значнага матэрыяльнага ўрону, а таксама магчымым ахвярам сярод насельніцтва.
