МІНСК, 29 ліс — Sputnik. Нацыянальны гістарычны музей ладзіць спецыяльны вечар перад Калядамі ў стыле 60-ых гадоў, паведамілі Sputnik у прэс-службе музея.
"Напярэдадні Новага года адбудзецца чароўнае падарожжа ў часе. Жыхары і госці сталіцы атрымаюць унікальную магчымасць апынуцца ў выдатным часе, пра які многія ўспамінаюць з асаблівым цяплом, а менавіта — у 60-ых гадах ХХ стагоддзя", — распавялі арганізатары.
У дворыку Нацыянальнага гістарычнага музея будуць адноўлены каларыт і атмасфера мінулай эпохі, якая пакінула добрыя, кранальныя ўспаміны.
"Гэта эпоха, калі ў людзей яшчэ не было ні інтэрнэту, ні мабільных тэлефонаў, калі на святы суседзі ладзілі "вячоркі талакою", а духмяная елка была ўпрыгожана самаробнымі цацкамі", — дадалі ў музеі.
Наведвальнікаў чакаюць танцы пад рэтра-музыку, лепшы гумар эпохі ў выкананні прафесійных артыстаў, мультфільмы і кінафільмы 60-ых, гульні, разнастайныя пачастункі.
"На працягу ўсяго свята гасцей чакаюць адкрытыя экспазіцыі музея, а таксама будзе арганізавана экскурсія для ўсіх жадаючых", — рэзюмаявалі ў музеі
Дзе: вуліца Карла Маркса, 12.
Калі: 23 снежня а 20-ай гадзіне.
Кошт: 100 рублёў.
