Карыстальнік Twitter Эрык Пендлберы паспеў зняць на камеру, чым займаецца яго сабака хаскі, пакуль яго ніхто не бачыць, — гадаванец гарэзуе на батуце. Але як толькі хаскі заўважыў "сачэнне", маментальна спыніў свае скачкі і адвярнуўся.
Відэа Пендлберы апублікаваў у сваім Twitter. Пост набраў больш за 320 тысяч лайкаў, ім падзяліліся амаль 147 тысяч карыстальнікаў. Гаспадары іншых сабак таксама прызналіся, што іх гадаванцы любяць паскакаць на батуце.
