МІНСК, 1 сне — Sputnik. Партыя грыбоў, забруджаных радыенуклідам цэзій-137, была выяўленая ў Францыі, паведамілі ў чацвер французскія СМІ.
Паведамляецца, што 3,5 тоны беларускіх грыбоў прыбылі на французскую тэрыторыю з порта ў Франкфурце.
Па інфармацыі інстытута ядзернай бяспекі Францыі (IRSN), было ўстаноўлена, што грыбы забруджаныя цэзіем-137. У сувязі з гэтым дадзеная партыя будзе ў бліжэйшыя дні знішчана на спецыяльным заводзе для спальвання смецця.
Спецыялісты IRSN мяркуюць, што прывезеныя ў Францыю грыбы маглі быць сабраны ў Беларусі на тэрыторыях, пацярпелых ад аварыі на Чарнобыльскай АЭС.
Раней у ДУ "Беллесахова" паведамілі, што параўнанне вынікаў радыяцыйнага кантролю на працягу апошніх пяці гадоў паказвае — утрыманне цэзію-137 у беларускіх ягадах і грыбах паступова памяншаецца, што тлумачыцца яго натуральным радыеактыўным распадам і зніжэннем рухомасці ў глебе. У той жа час у асобных раёнах рэспублікі (Чэрыкаўскім, Бярэзінскім, Лельчыцкім, Столінскім) у бягучым годзе адзначалася высокае ўтрыманне цэзію-137 у грыбах.
