МІНСК, 5 сне — Sputnik. Неспрыяльныя ўмовы надвор'я прагназуюць беларускія сіноптыкі на бліжэйшую сераду, 6 снежня.
Як абяцаюць сіноптыкі, у сераду будзе трохі цяплей, чым на пачатку тыдня.
Так, тэмпература паветра ноччу будзе складаць —5..+1 градус, а днём — ад нуля да чатырох градусаў цяпла. Па паўднёвым захадзе Брэсцкай вобласці магчыма да шасці градусаў вышэй за нуль. У Мінску 6 снежня чакаецца да +3 градусаў.
У сераду будзе воблачна з праясненнямі. Па большай частцы тэрыторыі краіны пройдуць ападкі: дождж і мокры снег. Ноччу і ў першыя ранішнія гадзіны магчымы слабы галалёд і галаледзіца.
Вецер прагназуюць паўднёва-заходні, яго хуткасць складзе каля пяці — дзесяці метраў за секунду. Месцамі магчымы парывы да 14 метраў у секунду, аднак магчыма ўзмацненне і да 18 метраў за секунду.
