Другі тыдзень у Бабруйску не могуць злавіць лісу, якая гуляе па вуліцах

© Sputnik / Владимир Астапкович / Перайсці ў медыябанкЛіса, архіўнае фота
Ліса, архіўнае фота - Sputnik Беларусь
Падпісацца на
НовостиTelegram
Хітрая лісічка аднойчы была пасаджана ў клетку, але яна здолела выбрацца на волю.

МІНСК, 6 сне — Sputnik. Другі тыдзень у Бабруйску не могуць злавіць лісу, якую перыядычна заўважаюць на завулку Затонным, паведамляюць мясцовыя СМІ.

Далёкаўсходні дзікі лясны кот - Sputnik Беларусь
Лясны кот вярнуўся ў Беларусь праз 90 гадоў

Па меркаваных дадзеных, жывёла можа хварэць на шаленства.

Паведамляецца, што звер з'яўляецца паблізу прыватных дамоў на завулку і ў раёне сударамонтнага завода. Людзей не баіцца. Некаторыя нават выстаўляюць лісе на вуліцы міскі з ежай.

Служба па адлове "Спецаўтапрадпрыемства" прадпрымала спробы злавіць жывёлу. І аднойчы ёй гэта ўдалося, але хітрая ліса здолела збегчы.

"Жывёла ўжо траплялася ў сеткі і нават сядзела ў клетцы, але змагла вызваліцца", — паведамілі на прадпрыемстве.

Спецыялісты адзначылі, што на тэрыторыі Бабруйскай крэпасці, як правіла, бегае шмат зайцоў, што і магло прывесці драпежніка ў горад.

"У Бабруйску ўбачыць лісу — не самая вялікая рэдкасць", — адзначылі на "Спецаўтапрадпрыемстве".

Адміністрацыя адной з мясцовых аграсядзібаў ужо выказала жаданне прыняць да сябе ў заасад рудага звера ў выпадку, калі ён здаровы.

Стужка навiн
0