МІНСК, 6 сне — Sputnik. Вядомы французскі рок-выканаўца Джоні Холідэй памёр на 75-м годзе жыцця, паведаміла яго жонка Летыцыя, піша газета Le Figaro.
У сярэдзіне лістапада бягучага года спявак быў дастаўлены ў медцэнтр Бізэ ў Парыжы пасля ўскладнення, выкліканага чарговым курсам хіміятэрапіі.
"Джоні Холідэй сышоў. Ён пакінуў нас сёння ўначы", — напісала Летыцыя ў сваёй заяве.
Яна таксама адзначыла, што Холідэй быў незвычайным чалавекам і застанецца ў памяці прыхільнікаў такім. Жонка музыканта заклікала фанатаў ніколі не забываць яго.
Апошні год легендарны французскі рокер пакутаваў ад рака лёгкіх, ён прайшоў некалькі курсаў хіміятэрапіі, апошні з якіх негатыўна адбіўся на яго самаадчуванні.
Жан-Філіп Леа Смет, які выступаў пад сцэнічным псеўданімам Джоні Холідэй, нарадзіўся ў 1943 годзе ў Парыжы. Альбомы Холідэя выйшлі агульным тыражом больш за 80 мільёнаў асобнікаў, 18 яго пласцінак сталі плацінавымі. Холідэй зняўся ў 15 фільмах, самымі вядомымі з якіх з'яўляюцца "Барвовыя рэкі 2" (2009), "Папарацы" (1998) і "Жалезны трохкутнік" (1989).
