МІНСК, 7 сне — Sputnik. Прэзідэнт Беларусі Аляксандр Лукашэнка паабяцаў у наступным годзе часцей сустракацца са студэнтамі і моладдзю, пра гэта ён заявіў у чацвер пры прызначэнні новых рэктараў беларускіх ВНУ.
Кіраўнік дзяржавы ў чацвер прызначыў кіраўнікоў дзвюх беларускіх ВНУ — Беларускага дзяржаўнага ўніверсітэта культуры і мастацтваў (БДУКМ) і Гродзенскага дзяржаўнага ўніверсітэта (ГрДУ).
Звяртаючыся да новых рэктараў, Аляксандр Лукашэнка адзначыў, што ў 2018-м хоча надаць асаблівую ўвагу стасункаў са студэнтамі.
"Калі шчыра — тут і Адміністрацыя (прэзідэнта — Sputnik) не спрацавала, і я быў перагружаны — я ў апошні час мала сустракаюся са студэнцкімі калектывамі. Упэўнены, што ў будучым годзе пройдзе шэраг гэтых сустрэч", — заявіў Лукашэнка.
Прэзідэнт прызнаў, што моладзь — гэта будучыня. "Яны заўтра будуць запраўляць у грамадстве і вызначаць вектар развіцця", — дадаў кіраўнік дзяржаў.
Прэзідэнт хоча акцэнтаваць увагу менавіта на тых пытаннях, якія важныя для сучаснай моладзі, студэнцтва не толькі ў цяперашні час, але і на перспектыву.
"Мы ж з вамі памятаем, з якімі праблемамі сутыкаліся мы, выходзячы за дзверы вну з дыпломам у руках. Таму гэта для мяне вельмі важна, каб я мог звярнуць на гэта ўвагу ў выступах, адрэагаваць і прымаць нейкія рашэнні", — сказаў на заканчэнне кіраўнік дзяржавы.
Пасады рэктараў ГрДУ і БДУКМ заставаліся вакантнымі з канца верасня гэтага года: пасля таго, як Юрый Бондар стаў міністрам культуры, а Андрэй Кароль узначаліў БДУ.
