"Студэнтам года-2017" стала другакурсніца ГрДУ імя Янкі Купалы

© Photo : пресс-служба БРСМПераможца конкурсу "Студэнт года-2017"
Пераможца конкурсу Студэнт года-2017 - Sputnik Беларусь
Падпісацца
Фінал конкурсу прайшоў у Нацыянальнай бібліятэцы, за права стаць уладальнікам ганаровага тытула змагаліся дзесяць беларускіх студэнтаў.

МІНСК, 9 сне — Sputnik. Студэнтка другога курса філалагічнага факультэта Гродзенскага дзяржаўнага ўніверсітэта імя Янкі Купалы Аляксандра Радковіч стала пераможцай рэспубліканскага конкурсу "Студэнт года-2017".

Дзяўчына рыхтуецца стаць настаўніцай беларускай мовы і літаратуры. Пераможца ўпэўнена, што жыццё студэнта складаецца не толькі з вучобы, але і творчасці. 

© Photo : пресс-служба БРСМГурт Naviband выступае на Рэспубліканскім конкурсе "Студэнт года-2017"
Группа Naviband выступает на Республиканском конкурсе Студент года-2017 - Sputnik Беларусь
Гурт Naviband выступае на Рэспубліканскім конкурсе "Студэнт года-2017"

Другое месца конкурсу заняў курсант чацвёртага курса факультэта міліцыі Магілёўскага інстытута МУС Максім Патарэнка.

© Photo : пресс-служба БРСМКурсант чацвёртага курса факультэта міліцыі Магілёўскага інстытута МУС Максім Патарэнка
Курсант четвертого курса факультета милиции Могилевского института МВД Максим Патаренко - Sputnik Беларусь
Курсант чацвёртага курса факультэта міліцыі Магілёўскага інстытута МУС Максім Патарэнка

Ён у хуткім часе стане оперупаўнаважаным. У фінале спаборніцтва хлопец імкнуўся паказаць сябе не толькі ў якасці будучага вартаўніка правапарадку, але і як творчую асобу. 

Трэцяе месца — у студэнта другога курса факультэта эканомікі і бізнес-кіравання Віцебскага дзяржаўнага тэхналагічнага ўніверсітэта Руслана Новікава. 

© Photo : пресс-служба БРСМСтудэнт другога курса факультэта эканомікі і бізнес-кіравання Віцебскага дзяржаўнага тэхналагічнага ўніверсітэта Руслан Новікаў
Студент второго курса факультета экономики и бизнес-управления Витебского государственного технологического университета Руслан Новиков - Sputnik Беларусь
Студэнт другога курса факультэта эканомікі і бізнес-кіравання Віцебскага дзяржаўнага тэхналагічнага ўніверсітэта Руслан Новікаў

Ён плануе стаць эканамістам, а ўдзел у конкурсе "Студэнт года" разглядае як адзін з крокаў на шляху да самаўдасканалення.

Званне "Студэнт года Online" дасталася студэнту чацвёртага курса факультэта транспартных камунікацый Беларускага нацыянальнага тэхнічнага ўніверсітэта Аляксандру Дзічкоўскаму.

© Photo : пресс-служба БРСМ"Студэнт года Online" Аляксандр Дзічкоўскі
Студент года Online Александр Дичковский - Sputnik Беларусь
"Студэнт года Online" Аляксандр Дзічкоўскі
   

Малады чалавек будучую прафесію выбраў па душы, так як заўсёды захапляўся аўтамабілямі і праектаваннем.

Фінал прэстыжнага конкурсу адбыўся ў Нацыянальнай бібліятэцы. За права стаць лепшым змагаліся дзесяць беларускіх студэнтаў — пераможцы рэгіянальных тураў конкурсу. Сярод іх — лепшыя ў вучобе, навуцы, спорце, творчасці і грамадскай дзейнасці. 

 

Стужка навiн
0