МІНСК, 15 сне — Sputnik. Саўмін унёс змяненні ў дзяржаўную праграму "Культура Беларусі", якія тычацца фінансавання праграмы.
"Дакументам прадугледжана змяншэнне аб'ёмаў фінансавання. Памер сродкаў, што выдзяляюцца на рэалізацыю дзяржпраграмы, складзе 2 945 757 382,44 рубля (раней- 2 980 049 665,31 рубля)", — паведамляе parvo.by.
Праграма была прынята ў 2016 годзе і разлічана на пяць гадоў. Яе асноўнымі мэтамі называецца захаванне гістарычнай памяці беларускага народа, яго нацыянальна-культурнай самабытнасці і традыцый, уцягванне грамадзян у культурнае жыццё краіны для рэалізацыі творчага патэнцыялу нацыі. Акрамя таго, сярод задач — забеспячэнне якаснага фарміравання, захаванасці і выкарыстання дакументаў Нацыянальнага архіўнага фонду Рэспублікі Беларусь як частцы інфармацыйнага рэсурсу краіны. Асаблівую ўвагу плануецца надаваць захаванню нацыянальна-культурнай ідэнтычнасці беларускай дыяспары.
У новай рэдакцыі скарачаюцца як сродкі рэспубліканскага бюджэту, якія павінны былі вылучацца на рэалізацыю праграмы, так і фінансаванне з мясцовых бюджэтаў і за кошт уласных сродкаў арганізацый.
Перш міністр культуры Юрый Бондар адзначаў, што супрацоўнікі сферы павінны не толькі разлічваць на сродкі бюджэту, але і "зарабляць грошы".
