"Каляды" — адно з самых старажытных святаў нашых продкаў, цесна звязанае з сонечным цыклам. Маштабныя гулянні, прысвечаныя старадаўняму народнаму святу, пройдуць у суботу, 23 снежня, на тэрыторыі музейна-гістарычнага комплекса Дудуткі.
"Каляндарны пачатак святкавання "Калядаў" у славян мы не маглі прапусціць, святкаванне пройдзе ў музейным комплексе Дудуткі ў 50-ці км ад Мінска. Там можна не толькі самагоначкі выпіць, але і патанцаваць ад душы, з нацыянальнымі беларускімі забавамі і традыцыямі пазнаёміцца, пасппрабаваць "каляднай куцці", паглядзець самабытны беларускі нацыянальны тэатр "Батлейка", паслухаць традыцыйныя харавыя царкоўныя спевы", — распавядае Ніка Харытонава.
"Кожныя выходныя паток турыстаў досыць вялікі, а традыцыйныя "Каляды" прыцягнуць яшчэ большую ўвагу, паколькі праграма прадумана ў дробязях — як музычная яе частка, так і інтэрактыўная, пачынаючы ад паласы перашкод, забегаў у мяшках, бітвы мяшкамі з сенам. Нават кёрлінг мы зрабілі ў беларускім нацыянальным стылі, гасцей чакае сюрпрыз", — кажа Любоў Рубінава.
Акрамя таго, упрыгожаннем свята стане музычна-тэатральнае прадстаўленне з удзелам творчых калектываў "Яварына", "Жывіца" і "Фламея".
Поўную версію размовы з прадстаўніцамі экстрым-тэатра "Берсерк" Нікай Харытонавай і Любоўю Рубінавай слухайце на радыё Sputnik Беларусь.
