МІНСК, 19 сне — Sputnik. Мокры снег і парывісты вецер чакаюцца ў Беларусі ў будучую сераду 20 снежня, паведамілі ў Белгідрамеце.
Хоць у Беларусі і захоўваецца халаднаватае надвор'е, сапраўдная зіма з моцнымі замаразкамі пакуль у рэспубліку не спяшаліся.
Згодна з прагнозам надвор'я на сераду 20 снежня, ноччу слупкі тэрмометраў могуць апусціцца да —1..-7°С, днём тэмпература паветра складзе —5..+1°С.
У сераду чакаецца парывісты вецер, кароткачасовы снег, месцамі — мокры. У некаторых раёнах магчымая галалёдзіца.
Працягне халадаць у другой палове тыдня. Так, у ноч на чацвер тэмпература панізіцца да —12°С. Аднак, па папярэдніх дадзеных, затым зноў трохі пацяплее, а днём месцамі магчымыя плюсавыя тэмпературы.
Розныя сэрвісы ўжо даюць папярэдні прагноз надвор'я і на Новы год. Так, паводле дадзеных парталаў, у ноч з 31 снежня на 1 студзеня будзе мінусавая тэмпература, а таксама кароткачасовы снег.
