МІНСК, 21 сне — Sputnik. Фантастычны фільм "Джуманджы: кліч джунгляў" выходзіць у шырокі пракат з 21 снежня, паведамілі Sputnik кінадыстрыб'ютары.
"Кліч джунгляў" — арыгінальны рэмейк легендарнага фільма "Джуманджы" 1995 года з Робінам Уіл'ямсам у галоўнай ролі. У новай карціне замест настольнай гульні героі трапляюць у прыстаўку і мяняюцца вобразамі з выдуманымі персанажамі.
У чацвер, 21 снежня "Джуманджы: кліч джунгляў" выйшаў у шырокі пракат — яго будуць паказваць да сярэдзіны студзеня ў большасці беларускіх кінатэатраў. Амерыканскія гледачы ўжо мелі магчымасць ацаніць фантастычны фільм тыднем раней.
Ужо ёсць і першыя водгукі на карціну. Так, рэйтынг "свежасці" ад кінакрытыкаў на партале Rotten Tomatoes складае 79%, а гледачы ацанілі новы фільм "Джуманджы" вышэй — на 87%. Ацэнкі стужкі на IMDb некалькі ніжэй — 6,9 бала з дзесяці.
Зрэшты, многія крытыкі і гледачы стужку хваляць: як акцёрскі састаў, так і гумар новага "Джуманджы". Сярод слабых бакоў называюць сцэнар і сюжэт у цэлым, аднак многія прызнаюць: атрымаць задавальненне ад камедыйнай фантастыкі можна.
Галоўныя ролі ў новым "Джуманджы" выканалі Дуэйн "Скала" Джонсан, Кэвін Харт, Джэк Блэк і Карэн Гілан. Рэжысёрам карціны выступіў Джэйк Кэздан.
