У астраномаў ёсць 4 важныя падзеі ў годзе — гэта вясновае і асенняе раўнадзенства і летняе і зімовае сонцастаянне. Сонцастаянне — адзін з двух дзён у годзе, калі вышыня Сонца над гарызонтам апоўдні мінімальная (зімой) або максімальная (летам), адзначыла астраном Людміла Кошман у гутарцы на радыё Sputnik. У дзень зімовага сонцастаяння Сонца падымаецца на найменшую вышыню над гарызонтам.
"21 снежня мы чакаем зімовае сонцастаянне — самую доўгую ноч. Светлавы дзень будзе доўжыцца ўсяго толькі 7 гадзін. У летняе сонцастаянне ўсё адбываецца наадварот — ноч доўжыцца ўсяго толькі 7 гадзін, астатняе — дзень. Але самае цікавае для астраномаў будзе адбывацца 22 снежня, дзень пачне паступова расці", — распавяла Кошман.
Можна сказаць, што з 22 снежня — гэта пачатак новага сонечнага года, адзначыла астраном.
У славянскім фальклоры дню зімовага сонцастаяння прысвечана прыказка: сонца — на лета, зіма — на мароз. Па зімовым сонцастаяння традыцыйна судзілі пра будучы ўраджай: іней на дрэвах — да багатага ўраджаю збожжа.
Каментар супрацоўніцы Маскоўскага планетарыя, астранома Людмілы Кошман слухайце на радыё Sputnik Беларусь.
