25 снежня ў гонар святаў у заапарку кітайскага горада Харбін супрацоўнікі апранулі пінгвінаў у чырвоныя плашчы з каўпачкамі, каб птушкі сталі падобныя на міні Санта Клаўсаў. Наведвальнікаў заапарка, асабліва дзяцей, мілыя пінгвіны прывялі ў сапраўднае захапленне. Акрамя таго, маленькім гасцям дазволілі прагуляцца разам са святочнымі птушкамі вакол нядаўна пабудаванага для іх Mini Snow Town.
Мяркуючы па відэароліку, пінгвінам амаль не перашкаджаюць іх святочныя касцюмы. Яны вольна перамяшчаюцца і паводзяць сябе спакойна. Праўда, аднаму пінгвіну каўпачок споўз на вочы, і ён ледзь не ўпаў, але супрацоўнікі заапарка хутка адрэагавалі і дапамаглі яму.
У заапарку адзначылі, што апранулі птушак для таго, каб стварыць для людзей святочны настрой.
