МІНСК, 27 сне — Sputnik. Фотаздымак святкавання ў Беларусі каталіцкіх Калядаў трапіў на першую старонку ўплывовага амерыканскага выдання Wall Street Journal.
На фатаграфіі, размешчанай на перадавіцы, дзеці ў касцёле ў Дзятлава (Гродзенская вобласць) паказваюць калядную сцэнку.
Фота, якое было выкарыстана ў друкаванай версіі амерыканскага бізнес-выдання, зрабіў у касцёле ў Дзятлава фотакарэспандэнт Reuters у Беларусі Васіль Фядасенка.
