Мастацкі кіраўнік "Беларусьфільма" распавёў аб кадравым голадзе на кінастудыі

© Sputnik / Виктор ТолочкоЗаслужаны дзеяч мастацтваў Беларусі, лаўрэат дзяржаўнай прэміі СССР, рэжысёр, прадзюсар Вячаслаў Нікіфараў
Заслужаны дзеяч мастацтваў Беларусі, лаўрэат дзяржаўнай прэміі СССР, рэжысёр, прадзюсар Вячаслаў Нікіфараў - Sputnik Беларусь
Заслужаны дзеяч мастацтваў Беларусі Вячаслаў Нікіфараў шкадуе аб страчанай беларускай аператарскай школе і маладых рэжысёрах, які з'ехалі на заробкі ў Маскву.

МІНСК, 28 сне — Sputnik. "Беларусьфільму" сёння ў першую чаргу неабходна вярнуць маладых людзей, якія перабіваюцца на серыялах у Маскве, перакананы мастацкі кіраўнік кінастудыі Вячаслаў Нікіфараў.

Міністр культуры Беларусі Юрый Бондар паставіў перад "Беларусьфільмам" задачу — ствараць запатрабаваны гледачом нацыянальны кінапрадукт на базе айчыннага аўтара, з прыцягненнем беларускіх акцёраў і сіламі рэспубліканскай кінастудыі.

"У Беларусі кіно знаходзіцца на датацыі дзяржавы. І фінансаванне ні разу не перарывалася. Дзяржава рэканструявала "Беларусьфільм". Цяпер гэта сучасная еўрапейская кінастудыя, якая абсталявана па апошнім слове тэхнікі. Але, на жаль, сёння ў нас вялікі недахоп кадраў: сцэнарыстаў, рэжысёраў, нават аператараў", — заявіў Вячаслаў Нікіфараў у мультымедыйным прэс-цэнтры Sputnik падчас тэлемаста, прымеркаванага да Міжнароднага дня кіно.

Заслужаны дзеяч мастацтваў Беларусі, лаўрэат дзяржаўнай прэміі СССР і расійскай кінапрэміі "Залаты арол" нагадаў, што беларуская аператарская школа ў свой час была знакамітая на ўвесь Савецкі Саюз. Ён таксама канстатаваў і недахоп на "Беларусьфільме" рэжысёраў.

Між тым, перад кінастудыяй стаіць задача выпускаць не толькі малабюджэтнае кіно ці зарабляць грошы, падаючы здымачную пляцоўку для кінематаграфістаў з іншых краін.

"Мы маем намер рабіць буйныя нацыянальныя праекты: гістарычныя, ваенныя і гэтак далей. Галоўны клопат сёння — каб гэта быў вельмі якасны сцэнар і вельмі якаснае ўвасабленне", — заявіў намеснік дырэктара "Беларусьфільм" па творчых пытаннях.

Ён нагадаў, што набліжаюцца юбілеі 75 гадоў вызвалення Беларусі і 75 гадоў Вялікай Перамогі.

"Можа быць, будзе нацыянальны праект", — выказаў надзею госць МПЦ Sputnik.

Ён падкрэсліў, што лічыць неабходным вярнуць маладых рэжысёраў, якія сёння працуюць на расійскіх серыялах, а таксама гадаваць новыя прафесійныя кадры для "Беларусьфільма", здымаючы на кінастудыі поўнаметражныя стужкі.

Якія праблемы існуюць у нацыянальных кінастудыях у Бішкеку, Кішынёве і Таліне, вы даведаецеся з гутаркі кінематаграфістаў гэтых краін у мультымедыйным прэс-цэнтры Sputnik.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі