Маразы да 9 градусаў прыйдуць у Беларусь напачатку наступнага тыдня

© Sputnik / Алексей Мальгавко / Перайсці ў медыябанкСнягір на галінцы дрэва
Снягір на галінцы дрэва - Sputnik Беларусь
Падпісацца
Зараз атлантычныя цыклоны працягваюць пераносіць на тэрыторыю Беларусі цёплае паветра з паўднёвага захаду Еўропы.

МІНСК, 4 сту — Sputnik. Маразы да 9 градусаў прыйдуць у Беларусь напачатку наступнага тыдня, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.

Лісічкі - Sputnik Беларусь
Ураджайная зіма: гродзенскія грыбнікі збіраюць лісічкі

"Атлантычныя цыклоны працягваюць пераносіць на тэрыторыю Беларусі цёплае паветра з паўднёвага захаду Еўропы. Адліга захаваецца аж да Каляд, ападкі будуць выпадаць у выглядзе дажджу і мокрага снегу. Цыклон, які ў першыя дні студзеня разгуляўся над Заходняй Еўропай, выклікаўшы там дажджы і моцны парывісты вецер, сыходзіць на Балтыку. Ён ужо растраціў свае сілы, таму вецер аслабее, а цёплае паветра ў цыркуляцыі цыклона працягне паступаць на тэрыторыю нашай краіны. Характар надвор'я ў Беларусі зменіцца напачатку наступнага тыдня. Неба развіднее, тэмпература панізіцца да адмоўных значэнняў", — сказалі ў Гідрамеце.

У пятніцу і суботу, 5 і 6 снежня, тэмпература паветра будзе вагацца ад мінус 1 да плюс 4 градусаў уначы да 2-7 градусаў цяпла удзень.

У нядзелю, 7 снежня, у асобных раёнах чакаецца кароткачасовы снег. Тэмпература паветра ўначы складзе ад мінус 2 да плюс 4 градусаў, удзень — ад мінус 2 па поўначы да 6 градусаў цяпла па поўдні.

Паступовае пахаладанне пачнецца ў панядзелак, 8 снежня, калі тэмпература паветра ўначы складзе 2-7 градусаў марозу, толькі па поўдні будзе каля нуля. Днём — ад мінус 3 да плюс 2 градусаў. Даўгачаканы зімовы марозік — 3-9 градусаў — чакаецца ў аўторак, 9 снежня, уначы.

Стужка навiн
0