https://bel.sputnik.by/20180105/videhafakt-karcinu-vosipa-lyubicha-padaryli-mastackamu-muzeyu-1032891176.html
Відэафакт: карціну Восіпа Любіча падарылі Мастацкаму музею
Відэафакт: карціну Восіпа Любіча падарылі Мастацкаму музею
Sputnik Беларусь
Глядзіце на відэа Sputnik, як сустракалі ў беларускай сталіцы твор сусветна вядомага земляка. 05.01.2018, Sputnik Беларусь
2018-01-05T19:22+0300
2018-01-05T19:22+0300
2018-01-08T15:17+0300
у беларусі
навіны
відэа
культура
беларусь
мінск
швейцарыя
восіп любіч
нацыянальны мастацкі музей рэспублікі беларусь
искусство
https://cdnn11.img.sputnik.by/img/103289/10/1032891068_4:0:1915:1080_1920x0_80_0_0_6297632fd94ed80b11db8093b2f2a7b4.jpg
У Нацыянальным мастацкім музеі Беларусі прайшла цырымонія перадачы ў калекцыю карціны мастака Парыжскай школы, ураджэнца Гродна Восіпа Любіча "Маленькі букет кветак".Прадстаўлены эцюд — не першы ў зборы музея твор Любіча, тут ужо ёсць адна арыгінальная графічная праца мастака. Спецыялісты мяркуюць, што карціна з'яўляецца невялікім эскізам да нацюрморту, які знаходзіцца ў іншых калекцыях.Амбасада Беларусі ў Швейцарыі набыла карціну ў прыватнай галерэі ў Бёрне дзякуючы фінансавай падтрымцы Ганаровага консула Беларусі ў Цюрыху Атанасіаса Акратаса.Па словах Часовага паверанага Рэспублікі Беларусь у Швейцарскай Канфедэрацыі Паўла Мацукевіча, Восіп Любіч не жыў у Швейцарыі, таму мэтанакіравана гэты твор мастацтва там ніхто не шукаў, усё адбылося выпадкова."Нам невядома, як карціна апынулася ў Швейцарыі. Зыходзячы з надпісу на абароце, можна меркаваць, што яна была напісаная як падарунак нейкай Грэце на дзень нараджэння ў 1932 годзе. Пры якіх абставінах гэта адбывалася, таксама невядома", — дадаў ён.Спецыялісты ўпэўненыя, што падарунак стане адпраўной кропкай у больш паглыбленым вывучэнні творчасці мастака Парыжскай школы."Нягледзячы на сціплы фармат гэтага твора, сам факт падарунку вельмі важны як для грамадскай свядомасці, так і для навуковых колаў", — адзначыў намеснік гендырэктара Нацыянальнага мастацкага музея Беларусі па навуковай і асветніцкай працы Аляксей Харак.Восіп Любіч — французскі мастак, які нарадзіўся ў Гродне ў 1896 годзе і пераехаў у сувязі з эвакуацыяй з прыфрантавой зоны. Вучыўся ў Адэсе, жыў і працаваў у Парыжы і Берліне. Творы вядомага мастака захоўваюцца ў музеях Францыі, Вялікабрытаніі, Швейцарыі, ЗША і Ізраіля. Самая вялікая калекцыя гравюр захоўваецца ў Нацыянальнай бібліятэцы Парыжа.
https://bel.sputnik.by/20171228/u-vicebsku-u-kascele-na-frehskah-namalyavany-pucin-abama-i-dalaj-lama-1032768687.html
беларусь
мінск
швейцарыя
Sputnik Беларусь
media@sputniknews.com
+74956456601
MIA „Rosiya Segodnya“
2018
Sputnik Беларусь
media@sputniknews.com
+74956456601
MIA „Rosiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rosiya Segodnya“
Sputnik Беларусь
media@sputniknews.com
+74956456601
MIA „Rosiya Segodnya“
у беларусі, навіны , культура, беларусь, мінск, швейцарыя, восіп любіч, нацыянальны мастацкі музей рэспублікі беларусь, искусство, картина, мастакі парыжскай школы з беларусі
у беларусі, навіны , культура, беларусь, мінск, швейцарыя, восіп любіч, нацыянальны мастацкі музей рэспублікі беларусь, искусство, картина, мастакі парыжскай школы з беларусі
Відэафакт: карціну Восіпа Любіча падарылі Мастацкаму музею
19:22 05.01.2018 (абноўлена: 15:17 08.01.2018) Глядзіце на відэа Sputnik, як сустракалі ў беларускай сталіцы твор сусветна вядомага земляка.
У Нацыянальным мастацкім музеі Беларусі прайшла цырымонія перадачы ў калекцыю карціны мастака Парыжскай школы, ураджэнца Гродна Восіпа Любіча "Маленькі букет кветак".
Прадстаўлены эцюд — не першы ў зборы музея твор Любіча, тут ужо ёсць адна арыгінальная графічная праца мастака. Спецыялісты мяркуюць, што карціна з'яўляецца невялікім эскізам да нацюрморту, які знаходзіцца ў іншых калекцыях.
Амбасада Беларусі ў Швейцарыі набыла карціну ў прыватнай галерэі ў Бёрне дзякуючы фінансавай падтрымцы Ганаровага консула Беларусі ў Цюрыху Атанасіаса Акратаса.
Па словах Часовага паверанага Рэспублікі Беларусь у Швейцарскай Канфедэрацыі Паўла Мацукевіча, Восіп Любіч не жыў у Швейцарыі, таму мэтанакіравана гэты твор мастацтва там ніхто не шукаў, усё адбылося выпадкова.
"Нам невядома, як карціна апынулася ў Швейцарыі. Зыходзячы з надпісу на абароце, можна меркаваць, што яна была напісаная як падарунак нейкай Грэце на дзень нараджэння ў 1932 годзе. Пры якіх абставінах гэта адбывалася, таксама невядома", — дадаў ён.
Спецыялісты ўпэўненыя, што падарунак стане адпраўной кропкай у больш паглыбленым вывучэнні творчасці мастака Парыжскай школы.
"Нягледзячы на сціплы фармат гэтага твора, сам факт падарунку вельмі важны як для грамадскай свядомасці, так і для навуковых колаў", — адзначыў намеснік гендырэктара Нацыянальнага мастацкага музея Беларусі па навуковай і асветніцкай працы Аляксей Харак.
Восіп Любіч — французскі мастак, які нарадзіўся ў Гродне ў 1896 годзе і пераехаў у сувязі з эвакуацыяй з прыфрантавой зоны. Вучыўся ў Адэсе, жыў і працаваў у Парыжы і Берліне. Творы вядомага мастака захоўваюцца ў музеях Францыі, Вялікабрытаніі, Швейцарыі, ЗША і Ізраіля. Самая вялікая калекцыя гравюр захоўваецца ў Нацыянальнай бібліятэцы Парыжа.
