Перамяшчэнне МКС на фоне Месяца аўтару відэа давялося ўбачыць 9 студзеня прыкладна ў 07:50 раніцы. На відэа можна разгледзець, як станцыя імкліва рухаецца па небе з захаду на ўсход. Калі не ведаць, што гэта, яе можна было б прыняць за яркую зорку. У 7:52 МКС "слізгала" па дыску Месяца і хутка знікла з вачэй.
Мінчанін Віталь Хацук захаваў пралёт МКС на відэа з дапамогай тэлескопа. Па словах аўтара, яго трэба глядзець у поўнаэкранным рэжыме FullHD, каб добра разгледзець тое, што адбываецца. Ён таксама адзначыў, што з-за турбулентнасці атмасферы візуальная траекторыя станцыі "малюе" крыху скрыўленую лінію.
8 лютага 2018 года ў 16:03 па мясцовым часе мінчане змогуць назіраць праход МКС па дыску Сонца.
