У Беларусі распрацоўваюцца методыкі, накіраваныя на ўдасканаленне праверкі ўзроўню ведаў школьнікаў і абітурыентаў. Новыя правілы ЦТ уступяць у сілу ў 2019 годзе. Але агульнасусветная карціна бязрадасная.
Эксперты лічаць, што школьная адукацыя знаходзіцца ў глабальным і глыбокім крызісе. Згодна з дакладам Сусветнага банка, апублікаваным у канцы 2017 года, больш за 60% вучняў пачатковай школы ў краінах, якія развіваюцца, не валодаюць мінімальнымі навыкамі. І гэта пры тым, што дзеці сталі праводзіць у школе больш часу.
"У свеце працягваецца палярызацыя: бедныя краіны становяцца бядней, багатыя становяцца багацей. Адпаведна, у бедных краінах адбываецца дэградацыя сферы медыцыны і адукацыі. Нізкая якасць сярэдняй школы ў большасці краін Афрыкі, Азіі і гэтак далей, карэлюецца тым, што іх эканамічнае становішча ў апошнія два дзесяцігоддзі пастаянна пагаршаецца", — сказаў Мясаедаў.
З 1950 года ў краінах, якія развіваюцца, сярэдні час навучання вырас з двух да сямі гадоў. Але многія за гэты час так і не навучыліся правільна лічыць рэшту ў краме або прачытаць медыцынскі рэцэпт. Атрымліваецца, што часта дзеці знаходзяцца ў школе, але не вучацца, гаворыцца ў дакладзе Сусветнага банка. І як следства гэтай праблемы — нізкая якасць працоўнай сілы і недахоп супрацоўнікаў з адукацыяй.
Каментар прарэктара Расійскай акадэміі народнай гаспадаркі і дзяржаўнай службы пры прэзідэнце РФ Сяргея Мясаедава слухайце на радыё Sputnik Беларусь.
