МІНСК, 13 сту — Sputnik. Беларус Антон Кушнір стаў трэцім на этапе Кубка свету па фрыстайле ў лыжнай акрабатыцы, які прайшоў у амерыканскім Дыр Вэлі, перадае карэспандэнт Sputnik.
Кушнір атрымаў ад суддзяў 124,78 бала. Уладальніку золата, расіяніну Максіму Бураву, прысудзілі 131,67 бала. Другое месца — у кітайскага акрабата Ці Гуанпю (130,77). Яшчэ адзін беларус, Максім Гусцік, заняў пятае месца.
З беларусак лепшай стала Ганна Гуськова — з 73,60 баламі яна стала пятай. Алімпійская чэмпіёнка 2014 года Ала Цупер — 16-ая.
На мінулым тыдні Кушнір заваяваў залаты медаль на этапе Кубка свету, які прайшоў у Маскве. Гусцік у той дзень стаў толькі чацвёртым. У жаночых спаборніцтвах сярэбраны медаль заваявала Аляксандра Раманоўская. На этапе КС у Кітаі ў сярэдзіне мінулага снежня Кушнір стаў уладальнікам бронзавага медаля.
Наступны этап Кубка свету пройдзе ў Лэйк-Плэсідзе (ЗША) з 19 па 20 студзеня. КС з'яўляецца апошнім спаборніцтвам для лыжных акрабатаў перад зімовымі Алімпійскімі гульнямі ў Пхенчхане.
