Турыстаў у цэхі МТЗ пачалі пускаць 16 студзеня 2017 года. Усяго за год прадпрыемства наведалі больш за 3,5 тысячы чалавек з 34 краін свету.
У рамках тура гасцям завода паказваюць музей МТЗ, зборачныя цэхі. Наведвальнікі прадпрыемства таксама могуць паспрабаваць сябе ў якасці супрацоўніка МТЗ — з траўня мінулага года для турыстаў дзейнічае паслуга "Сабяры трактар", а таксама ў іх ёсць магчымасць пракаціцца на самым магутным серыйным трактары завода.
