МІНСК, 20 сту — Sputnik. Трохразовая алімпійская чэмпіёнка Дар'я Домрачава стала трэцяй у гонцы пераследу (10 км з 4 агнявымі рубяжамі) на шостым этапе Кубка свету ў італьянскім Антхольцы, паведамляе Sputnik.
Спаборніцкая праграма шостага этапу КС працягнулася ў суботу, 20 студзеня, жаночай гонкай пераследвання. Першай дыстанцыю пераадолела немка Лаура Дальмаер — 29 хвілін 45 секунд (1 промах). Другой да фінішу прыйшла італьянская біятланістка Даратэя Вірэр (2 промахі, 17,3 секунды). Бронзавая ўзнагарода дасталася Домрачавай (2 промахі, 20,2 секунды).
Fist bump after fighting for a whole competition, this is #biathlonfamily 😍well done @DaryaDomracheva and Wierer in #ANT18 pic.twitter.com/W0efCJVXYy
— IBU World Cup (@IBU_WC) 20 января 2018 г.
Іншыя прадстаўніцы Беларусі Надзея Пісарава і Дынара Алімбекава занялі 49-е і 50-е месцы адпаведна. Надзея Скардзіна не змагла выйсці на старт. Па інфармацыі "Біятлон online", ёй напярэдадні гонкі стала дрэнна. Трэнерскі штаб да апошняга разлічваў на Скардзіна, але ў дзень гонкі прыняў рашэнне не рызыкаваць.
Сёння таксама адбудзецца мужчынская гонка пераследвання. Пачатак гонкі ў 16:50, у прамым эфіры яе пакажа тэлеканал "Беларусь 5".
