МІНСК, 23 сту — Sputnik. Новы тэхнапарк плануе стварыць Нацыянальная акадэмія навук Беларусі, заявіў старшыня Прэзідыума НАН Уладзімір Гусакоў.
"Мы разглядаем пытанне аб стварэнні новага тэхнапарка ў Акадэміі навук — "Акадэмтэхнаграда". Калі "БелБіяград" аб'ядноўвае такія напрамкі, як біятэхналогіі, медыцынскія тэхналогіі, нанатэхналогіі, "Акадэмтэхнаград" будзе аб'ядноўваць усе напрамкі тэхнічнага і інжынернага профілю. З дапамогай дадзеных тэхнапаркаў мы забяспечым укараненне найноўшых распрацовак у вытворчасць", — прыводзіць словы Гусакова агенцтва БелТА.
Пры Акадэміі навук ужо функцыянуе тэхнапарк "БелБіяград". Пакет дакументаў па "БелБіяградзе" падрыхтаваны і накіраваны ў Адміністрацыю Прэзідэнта. Цяпер у НАН чакаюць указа па прадастаўленні прэферэнцый рэзідэнтам "БелБіяграда" для прыцягнення замежных інвестыцый.
