МІНСК, 29 сту — Sputnik. Адзнакі 1 і 2 балы ў сярэдніх і старэйшых класах школ будуць лічыцца незадавальняючымі, паведаміў міністр адукацыі Беларусі Ігар Карпенка.
Лічыць "адзінкі" і "двойкі" нездавальняючымі адзнакамі стануць з наступнага года, адпаведнае рашэнне ўжо прынятае міністэрствам. Па словах Карпенкі, новаўвядзенне заклікана павысіць адказнасць навучэнцаў за ўласныя вынікі.
"Пакідаць на другі год з нездавальняючымі адзнакамі пакуль не плануем", — цытуе словы міністра БелТА.
У лютым гэтага года ў беларускіх школах упершыню правядуць рэспубліканскую кантрольную працу, якую праверыць незалежная камісія. Яе вынікі дазволяць убачыць аб'ектыўнасць выстаўлення адзнак і ацаніць працу выкладчыкаў.
