Юбілейная 60-я цырымонія ўручэння "Грэмі" адбылася ў Нью-Ёрку. Яе трыўмфатарам стаў 32-гадовы Бруна Марс, народжаны Пітэр Джын Эрнандэс, які перамог у трох намінацыях — "Песня года", "Запіс года" і "Лепшы альбом".
Нават няўзброеным вокам відаць, што выхаваны Бруна на музыцы Майкла Джэксана і нясе ў сабе ўсе прыкметы традыцыйнай амерыканскай поп-культуры, месцамі — з элементамі рэгі.
"Наогул я б назваў яго маладым рэтра-выканаўцам, што мне, як чалавеку пажылому, вельмі імпануе. У адным са сваіх кліпаў пад назвай "Just The Way You Are" ён нават выкарыстоўвае магнітафонную стужку ў якасці выяўленча-мастацкага сродка. У любым выпадку гэта ўсё прыемней, чым рэп альбо які-небудзь іншы дэструктыўна-кіслотны стыль. Так што нашы віншаванні табе, Бруна", — кажа Шарапаў.
Сярод іншых уладальнікаў прэстыжнай музычнай узнагароды — брытанец Эд Шыран, Джасцін Гурвіц, Шакіра, а таксама рэпер Кендрык Ламар.
Каментар вядучага радыё Sputnik Беларусь Вячаслава Шарапава слухайце на радыё Sputnik Беларусь.
