Пасольства ЗША ў Беларусі з лютага стане выдаваць увесь спектр віз

© Sputnik / Иван Руднев / Перайсці ў медыябанкБудынак пасольства ЗША ў Мінску
Будынак пасольства ЗША ў Мінску - Sputnik Беларусь
Падпісацца на
НовостиTelegram
Турыстычныя і бізнес-візы ў Мінску немагчыма было атрымаць амаль дзесяць гадоў.

МІНСК, 30 сту — Sputnik. Пасольства ЗША ў Беларусі з 1 лютага 2018 года будзе аказваць грамадзянам і рэзідэнтам Беларусі ўвесь спектр неіміграцыйных візавых паслуг, паведаміла ў аўторак амерыканская дыпмісія ў Мінску.

Сцяг ЗША - Sputnik Беларусь
Беларусь патрапіла ў катэгорыю бяспечных краін для турыстаў з ЗША

Тэрмін дзеяння амерыканскай візы будзе складаць 1 год: менавіта на такі тэрмін выдае візы амерыканскім грамадзянам і беларускі бок. Райлі адзначыў, што ў далейшым тэрміны, на якія выдаюцца візы, могуць быць пашыраныя. Кошт турыстычнай і дзелавой амерыканскай візы складзе 160 долараў.

Выдача большасці віз спынілася ў пасольстве ў Мінску з 2008 года, калі быў узаемна значна скарочаны штат пасольства Беларусі ў ЗША і амерыканскага пасольства ў Беларусі. З 1 лістапада 2017 года пасольства ЗША ў Мінску стала прымаць звароты за гасцёўнямі, турыстычнымі і дзелавымі візамі (катэгорыя В1 / В2) ад жыхароў і грамадзян Беларусі ва ўзросце 50 гадоў і старэй. Таксама ў пасольстве з 1 лістапада стала магчымым атрымаць візу любой катэгорыі, калі яна мінула менш за год таму. Гэтая паслуга не мела абмежаванняў па ўзросце.

З 9 студзеня 2018 года амерыканскае дыппрадстаўніцтва пашырыла візавыя паслугі і стала прымаць заявы ад рэзідэнтаў Беларусі на візы наступных катэгорый: A, C1 / D, G, F, H, I, J, L, M, O, P і R. Аднак за турыстычнымі і бізнес-візамі грамадзяне маладзейшых за 50 гадоў па-ранейшаму павінны былі звяртацца ў аддзяленні пасольстваў у іншых краінах.

Нягледзячы на нязручнасці, у мінулым годзе каля васьмі тысяч беларусаў атрымалі амерыканскую візу.

Не грамадзяне Беларусі і непастаянныя жыхары рэспублікі па-ранейшаму не могуць атрымліваць візы ў пасольстве ў Мінску. Гэта патлумачылі абмежаванымі рэсурсамі. У маі мінулага года стала вядома, што адміністрацыя Дональда Трампа плануе рэзка скараціць замежную дапамогу, у тым ліку і за кошт адмовы ад амаль васьмі мільёнаў долараў, якія вылучаліся на Беларусь. Нягледзячы на скарачэнне фінансавання, пасольства не скараціла, а пашырыла свае функцыі.

Стужка навiн
0