МІНСК, 31 сту — Sputnik. Беларусь актыўна рыхтуецца да правядзення ў Мінску другіх Еўрапейскіх гульняў, ужо прынятыя прынцыповыя рашэнні наконт візавага рэжыму для замежных балельшчыкаў, паведаміў міністр спорту і турызму Беларусі Аляксандр Шамко, адказваючы на пытанне Sputnik.
У Мінску ў сераду праходзіць пасяджэнне калегіі Мінспорту, на якім будуць абмеркаваныя перспектывы работы ведамства ў 2018 годзе.
"Літаральна ўчора прайшло пасяджэнне аргкамітэта на ўзроўні прэм'ер-міністра Андрэя Кабякова, на якім былі абмеркаваныя пытанні падрыхтоўкі да гульняў", — сказаў Шамко.
Паводле яго слоў, абмяркоўваліся і былі прынятыя прынцыповыя рашэнні па пытаннях арганізацыі харчавання, візавага рэжыму, уводу ў дзеянне спартыўных аб'ектаў.
"Пытанні візавага рэжыму будуць і далей вырашацца. Прынятае рашэнне, што візавы рэжым для замежных гасцей будзе такі ж, як на Чэмпіянаце свету па хакеі", — сказаў міністр.
Ён таксама адзначыў, што тэма падрыхтоўкі да Еўрапейскіх гульняў будзе адной з асноўных для спартыўнага ведамства ў 2018 годзе.
"Падрыхтоўка да гульняў уступіла ў актыўную фазу", — сказаў Шамко.
