МІНСК, 31 сту — Sputnik. Фільм расійскага рэжысёра Андрэя Звягінцава "Нялюбасць" вылучаны на атрыманне нацыянальнай французскай кінапрэміі "Сезар" у намінацыі "Лепшы замежны фільм", паведамляе РІА "Новости".
Разам з ім у спіс прэтэндэнтаў увайшлі такія стужкі, як "Дзюнкерк" Крыстафера Нолана, "Ла-Ла-Лэнд" Дэм'ена Шазэла і яшчэ чатыры фільмы.
Прэмію "Сезар" кожны год уручае Французская акадэмія кінематаграфічных мастацтваў і тэхнікі з 1976 года. Яе пераможцаў абіраюць па выніках тайнага галасавання членаў акадэміі, у склад якой уваходзяць больш за 4 тыс. чалавек.
