Відэа

Рэформа школьнай адукацыі: чаго чакаць ад змен

Усе "за" і "супраць" адмены ўступных экзаменаў у гімназіі абмеркавалі спецыялісты ў прэс-цэнтры Sputnik.

Сур'ёзныя змены, якія чакаюць беларускую сістэму адукацыі, выклікалі нямала спрэчак у грамадстве. У прэс-цэнтры Sputnik у чацвер дыскутавалі на тэму адмены ўступных экзаменаў у гімназіі — добра гэта, ці дрэнна. Меркаванні ўдзельнікаў дыскусіі падзяліліся на дыяметральна супрацьлеглыя.

Прэзідэнт Беларусі Аляксандр Лукашэнка 25 студзеня падпісаў указ №30 "Аб прыёме ва ўстановы агульнай сярэдняй адукацыі і навучанні ў іх", згодна з якім адмяняюцца ўступныя экзамены ў пятыя класы беларускіх гімназій.

Такім чынам, узрост, калі школьнікаў чакаюць першыя сур'ёзныя экзамены, павышаецца. Распрацоўшчыкі ўказа бачаць у гэтым магчымасць пазбегнуць ранніх і непатрэбных стрэсаў для дзяцей. І з імі згодны шматлікія ўдзельнікі дыскусіі.

"Смешна казаць, што паступаючы ў гімназію пасля 4 класа, дзіця робіць свядомы выбар. Не бачу неабходнасці ў іспытах у такім узросце. У многіх краінах адмовіліся ад дзялення дзяцей" на "ў раннім узросце. Яны не здольныя яшчэ ўсвядоміць і вырашыць для сябе, чым яны хочуць займацца. Гэта каласальная траўма, якая не патрэбна ў такім узросце", — лічыць саўладальнік школы англійскай мовы, член грамадска-кансультатыўнага савета пры Міністэрстве адукацыі Беларусі Андрэй Грыгор'еў.

"Экзамены — гэта стрэс. Ацэнка — гэта заўсёды вельмі складана. Дзіця можа проста "заклінаваць", і яно не зможа нічога сказаць. Мы павінны яму дапамагаць, а не вырашаць за яго", — лічыць старшыня беларускай федэрацыі веласіпеднага спорту, член грамадска-кансультатыўнага савета пры Міністэрстве адукацыі Беларусі Наталля Цылінская.

"Адмена экзаменаў — гэта роўна таму, што перакрэслілі гімназіі. Яны, па інэрцыі, яшчэ пару-тройку гадоў пратрымаюцца, і ператворацца ў звычайныя школы", — перакананая дзіцячы пісьменнік, мама дваіх школьнікаў Яўгенія Пастэрнак.

Яна выказала меркаванне, што такі крок перакрэслівае надзеі таленавітых дзяцей і стварае ідэальныя ўмовы для "троечнікаў". Да таго ж, многія рэформы ў нашай школе праводзяцца зусім не паслядоўна — пачынаюцца, але не даводзяцца да лагічнага завяршэння — як было, напрыклад, з 12 класамі і многімі іншымі новаўвядзеннямі. Любую рэформу трэба не перакройваць "на маршы", а пачынаць з першага класа, даўшы іншым давучыцца ў тых рэаліях, да якіх яны ўжо паспелі прывыкнуць.

"Тое, што адбываецца ў нашай сістэме адукацыі, — на мой погляд, гэта крок у казарму, крок да аднастайнасці, у той час як увесь свет ідзе ў бок разнастайнасці. Павінны быць гімназіі, профільныя класы, ліцэі, вучэбна-вытворчыя камбінаты, спартыўныя, музычныя школы, каб даць дзіцяці максімальную магчымасць сябе праявіць", — лічыць настаўнік вышэйшай катэгорыі, уладальнік адукацыйнага цэнтра Яўген Лівянт.

Поўную версію дыскусіі ў прэс-цэнтры Sputnik глядзіце на відэа.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі