МІНСК, 3 лют — Sputnik. Беларускі мастак Уладзімір Чарнышоў прадставіў у Доме Масквы ў Мінску выставу "Званы", прымеркаваную да 145-годдзя вялікіх рускіх талентаў — геніяльнага спевака Фёдара Шаляпіна і кампазітара Сяргея Рахманінава.
Выстава "Званы" — гэта своеасаблівае прысвячэнне рэфарматару операнага мастацтва і піяністу-віртуозу. Дзве значныя постаці ў гісторыі рускай і міравой культуры аб'ядноўваюць многіх людзей, прадстаўнікоў розных нацый, у тым ліку расіян і беларусаў.
Па словах самога аўтара, выстава прадстаўляе сабой жывапісны водгук твораў, падзей і нават імгненняў — "званоў", якія заставілі астанавіцца мастака, гледача ці сучасніка і прыслухацца да наваколля, звярнуць увагу на сусвет. Такімі вось "званамі" можна назваць і Шаляпіна, і Рахманінава.
Акрамя гэтых магутных постацяў, у экспазіцыі прадстаўленыя Ганна Пінкевіч, Канстанцін Скварцоў, Мікалай Рубцоў, Барыс Луцэнка і многія іншыя асобы, якія пакінулі свой значны след у гісторыі. Усе яны паглядаюць з карцін мастака і кожны быццам распавядае сваю невядомую гісторыю.
Уладзімір Чарнышоў называе іх "званамі сваёй эпохі". Ён паказаў іх такімі, якімі яны пакінулі адбітак не толькі ў душы аўтара, але і ў думках многіх пакаленняў.
Выстава арганізавая пра падтрымцы Дома Масквы ў Мінску, а наведаць яе можна да 28 лютага. Уваход вольны.
