МІНСК, 4 лют — Sputnik. Міжнародны саюз біятланістаў напярэдадні зімовай Алімпіяды зняў відэа пра біятлон для пачаткоўцаў з удзелам легенд спорту.
У навучальным роліку "Біятлон для пачаткоўцаў" лепшыя спартсмены на сваім прыкладзе тлумачаць фундаментальныя правілы біятлона ад памеру мішэняў для стральбы да дыстанцыі кожнай з дысцыплін.
Усе тлумачэнні дадзены ў выглядзе кароткіх і смешных скетчаў, у аснове якіх ляжыць спаборніцтва былой прафесійнай біятланісткі і пачаткоўкі.
У аснову эпізоду з Дар'яй Домрачавай, дзе яна выконвае ролю трэнера па стральбе, лёг рэальны выпадак з яе спартыўнай кар'еры. Алімпійская спартсменка тлумачыць пачаткоўцу, што страляць неабходна стоячы, а не лежачы. Такім чынам, аўтары фільма абыгралі памылку, якую дапусціла сама Домрачава.
Знакамітаму Уле Эйнару Б'ёрндалену дасталася роля валанцёра. Акрамя яго ў фільме таксама зняліся Даратэя Вірэр, Анастасія Кузьміна, Мартэн Фуркад, Ёханэс Бё, Кайса Мякярайнэн.
